Priyire a sinte Mareye-Madlinne

Ciste ouve ci egzistêye eto divins ds ôtès ortografeyes : Ortografeye do scrijheu.

Jules Tits

Priyire a sinte Mareye-Madlinne

rortografiaedje da Lucien Mahin, e rfondou walon

2020

Schoutez Jules Tits lu-minme

Sourdant

Priyire a sinte Mareye-Madlinne

Sinte Mareye-Madlinne
Infén, vo vs la rvinowe
Dins vost ancyin dominne
Fouxhoz î l’ bénvnowe.

Po rarindjî vosse måjhon,
On s’ a metou tertos,
Les ptits come les grands,
Minme les femes et les efants.

Sinte Mareye-Madlinne,
Vosse pitite tchapele,
Nos vs l’ avans volou vraiymint bele.
Vos î seroz nosse sovrinne.
Po vs rinde les oneurs
Nos l’ avans wårni d’ fleurs.^[1]

Sinte Mareye-Madlinne,
Di Gobtindje, protedjîz les abitants ;
Soladjî leus poennes^[2]
Sotnoz leus efants.

Protedjîz tos les pårotchîs
Do cinte di Mélin ;
Les cis do Såt,^[3]
Sotnoz les comifåt.

Di-n on nuk di vosse pitit doet,
Ecoraedjîz les djins di Måjhone-do-Bwès.
Ni rovyî sortot nén
Les cis di Sclin-pré.

Infén, po tos les perlins
Ki vos confiyront leus tourmints
Elvez lzî leus tracas
Saetchîz les foû d’ imbaras.

1. Dins l’ tecse eredjistré, « Tolmonde a ls oneurs / Et tolmonde on doket d’ fleur.»
2. Mwaisse modêye : pwinnes.
3. Sårt-Mélin.