Cisse pådje ci a stî coridjeye ey est l’ minme ki l’ sicanaedje.
— 80 —
DADITE
Bén awè, djans, po vs fé plaijhi.
(Emile mete des veres et disboutche li botaye)
GÅRNIR
Oho, dji vén co d’ end aprinde ene ôte ! Savoz vs bén Dadite ki vos estoz-st ene souwêye, vos !
DADITE
Vos l’ dijhoz.
GÅRNIR
Kimint ! Vos alez ouy å concert amon Ruth, et vos n’ dijhoz rén a bibi !
DADITE
K’ est çki çoula vs pout fé, a vos ?
GÅRNIR
Çou k’ çoula m’ pout fé ? C’ est k’ dj’ î va ossu, et j’ai l’honneur, belle dame de vous engager pour toute la sîse…
(Porea vout vudî dvins les veres mins come i vude tot avå l’ tapis, Emile li rprind l’ botaye et implixhe les veres.)
DADITE
Vos estoz seur k’ awè !
GÅRNIR
Nos dansrans-st on cwåré eshonne todi !
DADITE
Dji n’ danse nén, dji so trop viye.
GÅRNIR
Nos dansrans ouy on cwåré eshonne ; alans, a vosse santé. (i boevèt) Dji so ouy tot al djoye et al nute nos dansrans.
