Pådje:Théophile Bovy - Li grandiveuse, 1899.djvu/rif/79

Èn årtike di Wikisource.
Cisse pådje ci a stî coridjeye ey est l’ minme ki l’ sicanaedje.
— 79 —

DADITE (måle)

Djans, ki voloz vs adon ?

GÅRNIR

Vos savoz k’ dj’ a bon cour ; si minme nos nos dispitans todi nos deus, çoula n’ vout rén dire, cwand on s’ dispite c’ est k' on s’ voet voltî. Dj’ a wangnî céncwante francs avou m’ colon… On colon d’ marke… tot çou k’ i gn a d’ bon…

POREA

Dji mete cénk francs dsu å prumî concours.

GÅRNIR
(i bouxhe e l’ mwin da Porea)

Djel mete divins cwénze djoûs a Sint-Bastopol… (a Dadite) Vocial on lite di cognak, dji vén vs dimander l’ permission del mete cial ; come dji vén tos les djoûs, nos l’ vudrans pitit a ptit avou Lambert, et vos m’ alez fé l’ plaijhi do boere on vere asteure avou mi po l’ sitrimer.

DADITE

Et c’ est po çoula k’ vos m’ houkîz ! Dji n’ boe nole gote, nos alans dinner.

GÅRNIR

Bén çoula vs dinrè d’ l’ apetit.

POREA

Awè, djans boevans on vere.

EMILE

Et vos ossu, djans mame, c’ est do cognak dê.

GÅRNIR

Et do ci ki plake ås coisses !

EMILE

Djans mame, boevoz on vere, avou vosse fi !