Nos dansrans nos deus, edon mame !
Awè, awè, c’ est bon por vos, çoula.
I n’ fåt nén s’ fé pus vî k’ on est, Dadite ; schoûtez m’ consey, on dvént assez vite vî sins çoula vos m’ poloz croere. Et l’ veye est si coûte, ki c’ est l’ pus djoyeuzmint k’ i fåt l’ passer, tot s’ fjhant l’ moens d’ må d’ tiesse possibe.
 ! mins vos !
Mi, dji so todi djoyeus, c’ est vraiy, paski come dit l’ tchanson : li djoye c’ est çou ki nos fwait viker vî !
Po bén viker cial so cisse tere
I n’ si fåt måy fé do tourmint
Ç′ a todi stou petchî do haire
Et c’ est po çoula k’ dji n’ hai rén ;
Dj’ inme mi camaeråde come mi-minme
Dji lai tourner l’ monde come i va
Ås ôtes i n’ fåt nén prinde astinme
Dji n’ a d’ atincion k’ po ci-la (i mostere si vere)
