Cisse pådje ci a stî coridjeye ey est l’ minme ki l’ sicanaedje.
— 47 —
SINNE IV
LES MINMES moens DADITE
POREA
Tén, ki s’ a-t i passé inte vos et vosse mere don k’ ele breyeut insi ?
EMILE
Ele vout ki dj’ våye ouy amon Ruth aveu leye. Ni s’ a-t ele nén stou mete e l’ tiesse ki mamzele Fordjeu a des idêyes sor mi.
POREA (ewaeré)
Mamzele Fordjeu ? Nosse prôpietaire ?
EMILE
Awè. Et çoula paski madame tot rivnant d’ messe l’ a-st egadjî a aler å concert tot djhant k’ elle î serè avou s’ feye.
POREA
Et bén, ci sereut on bon pårti, m’ fi, apice.
EMILE
Vos m’ dijhoz çoula come a on tchén, vos popa.
POREA
C’ est on bon boket a croxhî.
EMILE
C’ est del tchå di moton, ci n’ est nén por mi.
POREA
Ki såreut on dire. L’ amour, c’ est l’ amour mi fi.
EMILE
C’ est djustumint pocwè paret.
POREA
Aha, vos avoz dedja tapé vosse côp d’ ouy.
