Cisse pådje ci a stî coridjeye ey est l’ minme ki l’ sicanaedje.
— 46 —
DADITE (ewaerêye)
Kimint ? Vos rfuzez di moenner vosse mame å concert ?
EMILE
Mi popa vs î moennrè, mon Diu !
DADITE (severmint)
Ci n’ est nén vosse popa ki dj’ vou, c’ est vos !
EMILE (sopliyant)
Puski c’ est impossibe !
DADITE (e colere)
Impossibe ! Impossibe ! Et c’ est a mi, a vosse mame ki vos djhoz çoula ! Ô ! m’ fi, ô ! Emile ! Dji n’ vis ricnoxhe pus ! Adon ki mi, dji n’ tuze k’ a vos, a vosse bouneur, vos, vos m’ rifuzez… Ô ! dji m’ atindeu bén pô a çoula !
SINNE III
LES MINMES — POREA
POREA
(arivant tot s’ moussant)
Ki gn a-t i don, ki gn a-t i, ki brait-on don cial ?
EMILE
Edon popa ki vos voloz bén moenner m’ mame ouy amon Ruth ?
DADITE
Dji n’ vou nén aler amon Ruth, dji n’ vou aler nole pårt, dji dmeurrè e m’ coulêye. Dji n’ bodjrè pus foû d’ cial.
(ele sôrt a gåtche)
