Cisse pådje ci a stî coridjeye ey est l’ minme ki l’ sicanaedje.
— 48 —
EMILE
Dji n’ di nén çoula.
POREA
Vos estoz-st on souwé. Vos estoz-st on souwé. Vos nos sorprindroz tertos on djoû.
EMILE
Sayîz do tourner m’ mame et moennez l’ å concert, paski si ele n’ î va nén, ele serè måle sor mi.
POREA
C’ est por vos k’ ele î vout-st aler edon surmint, ci n’ est nén por leye. Pa, alez î mon Diu, vos vs amuzroz bén. Et dvins tos les cas, personne ni såreut vs oblidjî di vs ateler al cote da mamzele Fordjeu.
EMILE
C’ est ene idêye !
POREA
Et c’ est ene boune, ca insi vos contintroz tot l’ monde et nos wårdans l’ påye avou vosse mame.
EMILE
Dji m’ endè va savoz popa.
POREA
Awè alez, disk’ a torade. Dji dirè a vosse mame ki vos iroz edon ?
EMILE
Dijhoz k’ dj’ irè motoit, dji n’ vou rén assurer.
(i sôrt pol fond)
a
