Cisse pådje ci a stî coridjeye ey est l’ minme ki l’ sicanaedje.
— 35 —
SINNE XII
DADITE — GÅRNIR
(avou on papî d’ colon)
GARNIR
(tchantant so les montêyes)
L’Amour est enfant de Bohême
Qui n’a jamais connu de loi,
Si tu ne m’aimes pas, je t’aime
(intrant, a Dadite)
Et si je t’aime prends garde à toi !
DADITE
Estoz vs co la !
GÅRNIR (salouwant)
Mi ? Neni. C’ est Pire. Pierre Gârnir pour votre service, belle dame !
DADITE
Dji n’ a nén mezåjhe di vos siervices et co moens d’ vos !
GÅRNIR (avou fleme)
C’ est po çoula ki dj’ so vnou.
DADITE
Vos dvrîz dmorer e vosse måjhone ; li semdi do moens ; vos savoz bén ki ç’ djoû la on djinne divins les manaedjes.
GÅRNIR
Tonton vént co d’ mel dire, c’ est po çoula k’ dji so vnou cial.
DADITE
Bén, i n’ a nén pus mezåjhe cial di vos k’ e vosse måjhone paret ! Etindoz vs bén, çoula !
(Porea intere, moussî d’ on sårot pleutyî et ene calote)
