Cisse pådje ci a stî coridjeye ey est l’ minme ki l’ sicanaedje.
— 30 —
EMILE (ureus)
Vos pinsez totafwait come mi ! Et c’ est cåzu tofer insi nozôtes, edon. Vola des anêyes ki nos nos cnoxhans, puski c’ est dispoy nos påkes, eco dvant, et so tot, nos avans todi les minmès idêyes. (on silince) Çoula n’ vis dit-st i rén, Meliye ?
MELIYE
K’ est çki çoula pôreut bén m’ dire ?
EMILE
A mi ça m’ dit tot plin.
MELIYE (djinnêye)
Oho !
EMILE
Awè, nos avans si bén les minmès idêyes, li minme façon do comprinde totafwait, li minme caractere, les minmes gosses, ki dji m’ di tos les djoûs puski nos estans fwaits tos les deus onk po l’ ôte et ki nos dvrîs nos maryî !
MELIYE
Ô ! nos maryî !
EMILE
Et pocwè nén ?
MELIYE
Dabôrd dji so trop djonne…
EMILE
Vos avoz vint ans, c’ est l’ ådje…
MELIYE
Et pwis… po s’ maryî… i fåt…
