Pådje:Théophile Bovy - Li grandiveuse, 1899.djvu/rif/30

Èn årtike di Wikisource.
Aller à la navigation Aller à la recherche
Cisse pådje ci a stî coridjeye ey est l’ minme ki l’ sicanaedje.
— 29 —

MELIYE

C’ est ouy semdi, et dji n’ so nén come vos, dji n’ a nén fini djournêye.

EMILE

Awè, c’ est vraiy, et l’ semdi c’ est Sinte-Schovlete, edon ?

MELIYE

Et el måjhone, on n’ a måy fini !

EMILE

C’ est vos ki neteye paret ?

MELIYE

Kî sereut ç’ don, m’ popa ?

EMILE

Et vosse mame ?

MELIYE

Ô ! m’ mame ni s’ tént nén coe ; elle overe ossu alez ; mins vos comprindoz bén ki mi k’ est djonne, dji nel louke nén edon. I n’ fåt nén cwand dji serè marieye ki dji soeye ene dôrlinne po m’ fé siervi ; et po-z aprinde a bén moenner on manaedje, i fåt cmincî djonne.

EMILE

Vos avoz råjhon. Mins portant si vos spozîz èn ome ki wangnreut assez bén s’ veye po vs dinner ene siervante ?

MELIYE

Çoula sereut minme ki dji n’ vôreu co nole. Dji n’ vou vey k’ ene feme e m’ manaedje. Avou des etrindjirs adlé lu on n’ est djamåy a si åjhe.