Cisse pådje ci a stî coridjeye ey est l’ minme ki l’ sicanaedje.
— 31 —
EMILE
Cwè ?
MELIYE (djinnêye)
Ô ! vos savoz bén…
EMILE
(comprindant mins volant l’ fé djåzer)
Neni… di cwè… pårlez…
MELIYE
Dji n’ pou nén dire çoula…
EMILE (sopliyant)
Djans, siya, dji vs è preye… Meliye…
MELIYE
I fåt…
EMILE
I fåt !
MELIYE (riyant)
Li consintmint d’ ses parints.
EMILE (d’ ene air di rprotche)
Ô ! Meliye ci n’ est nén çoula k’ vos volîz dire… i fåt s’ inmer edon, c’ est çoula k’ vos n’ oizîz dire ; et bén, vos savoz bén k’ dji vs inme, dispoy lontins, dispoy todi, Meliye, c’ est vos k’ dj’ a tchoezi po m’ feme et si dj’ end a nén co pårlé, c’ est k’ vos n’ avoz måy volou. Dijhoz on mot, Meliye, rén k’ on mot et dji pårolrè ouy minme a mes parints.
MELIYE
Neni, Emile, dji n’ vou nén.
