Cisse pådje ci a stî coridjeye ey est l’ minme ki l’ sicanaedje.
— 93 —
SCÊNE III
PORAI — EMILE — DADITTE
EMILE
Bonjoû mame.
DADITTE (freud’mint)
Bonjoû.
EMILE (allant drî s’mére)
Estez-v’s todis mâle sor mi !
DADITTE
Lèyîz-m’ pâhule…
EMILE
Di quélle houmeûr qui vos estez co !
DADITTE
C’est vos qui m’a mettou di c’t’ houmeûr-là, j’esteus hîr joyeuse assez…
EMILE
Vos n’vôrîz nin portant qui po v’s fer plaisir, ji m’allasse taper à l’ tiesse di mam’zelle Forgeûr qui reie di mi !
DADITTE (viv’mint)
I n’fât nin dire qu’on reie di vos !
EMILE
Bin taihîz-v’s don mame, ji sés bin kimint qu’ j’a stu r’çû hîr qwand ji lî a stu d’mander l’mazure… elle mi r’louqua…
