Ene novele po m’ fé ostant d’ bén,
Ratind ’ne miete, dj’ èm va dischinde,
« Mins dj’ voe låvå deus tchéns,
« Ça m’ a l’ air di esse des tchéns d’ tchesse !
« Et dandjureus k’ i vegnnut a no fiesse,
« I vont l’ trén d’ on demon ? I sront tot d’ shûte droci,
« Et nos pôrans shonne nos rabressî !
— L’ Ernåd sinteut l’ paket ! i n’ a nén dmandé s’ conte
— Arvoere, dit-st i, dj’ èm va fé m’ comission.
« Et pol fiesse e kestion, infôrmez è tot l’ monde,
« Nos rmetrans ça a ene ôte ocåzion :
— Et la dsu s’ cawe clapêye etur ses djambes,
I fout l’ camp tot penåd do costé d’ Sambe ;
Eyet l’ cok, e lu-minme, riyeut come on pierdou,
D’ awè stî po rén si strindou.
Cwand on couyone el ci ki s’ fout voltî des djins,
On-z est co bén l’ dobe pus contin,
Ç’ fåve ci no mosse ene sacwè d’ seur :
Fén contru fén n’ a nén d’ dobleure !
Djåke el Coirbå ki vout fé d’ l’ Aigue.
On Bedot esteut pris on djoû pal grawe d’ èn Aigue,
Ki l’ saetchive e l’ air e volant,
On Coirbå ki l’ waitive, croet k’ il esteut e régue,
Po lu waitî d′ è fé ostant !
Cligne ès-n ouy sol tropea, tchoezit l’ pus bea del binde
C’ est çk’ on pleut dire on bea Bedot !
