L’ Ernåd eyet l’ vî Cok.
Tot al copete d’ ene så, on cok esteut piertchî,
Mins on cok co pus fén k’ ene fêye !
On Rnåd ki vleut l’ croker, l’ erwaitive bén d’ ashid,
E djhant d′ ene pitite vwès flûtêye —
« Hé ! vî cousse ! gn a do novea dins ls invirons !
« Nos stans tertos rmis camaerådes eshonne,
« Vos n’ avoz pus dandjî d’ reschurer vos sporons !
« Dischind ki dj’ ti rabresse, so t′ betch ou dsu t’ bodene,
« C’ est bén fini on n’ s’ è vout pus.
« Et l′ påye a stî fwaite ådjourdu !
« Mins despaitche tu, dischind tot d’ shûte,
« Paski dj' a ’ne comission a daler fé dvant l’ nute,
« Vozôtes vos avoz l’ tins,
« D′ cori après les poyes eyet d’ rôler vos bosses !
« Vos stoz tertos des fameus losses !
« D′ viker insi vos dvoz bén esse contins !
« Allans ! aprestez vos nos frans les wåfes å swer.
« Eyet po passer l’ shijhe, nos apoitrans a boere !
I nos fåt awè do plaijhi,
Come si c′ esteut l′ dicåce,
Alans ! vî fré, vî sto, vén rade ki dj′ ti rabrasse[2].
— « Vî cousse, dit-st i l’ Cok sins bodjî,
Vos n’ årîz nén seu vni m′ aprinde
