Ki dveut tourner l’ londmwin, a cotletes, a djigots !
I l’ mougnive dedja d’ ses ouys ! i dschind dsu pol prinde
Mins vla ses grawes dins l’ linne ! pus moyén d’ les rawè !
Pus k’ i saetche, k’ i pitêye, et pus k’ il est comelé !
Vos årîz dit k’ vos pestelez[1],
Do tcherbon po fé des bougnets !
Mins l’ cinsî l’ voet ! rade i l’ apougne pa s’ gaye !
L’ mete dins ’ne gayole po ses efants,
Lu, ki vleut fé come l’ Aigue, do foirt et do findant,
N’ sieve pus po les marmots, ki d’ passe-tins et d’ gagaye.
C’ est k’ cwand on eterprind ’ne sacwè,
Pus tård po n’ nén ndè vir des grijhes,
On dvreut todi waitî d’ tot près,
K’ ça n’ fouxhe nén trop å dzeu d’ nos sidjes :
E fjhant insi lés djins srént saedjes, bén avizés,
On n’ vireut pus ostant d’ bancroutes[2] !
Dins lés manaedjes, ostant d' disroutes !
D’ gueuzreyes eyet d’ volreyes, d’ flouwreyes ét d’ djins rwinés.