Come Lafontaine nos l’ dit : vla on drole di djudjmint !
Mins dandjureus k’ el Séndje, vleut imiter les djins :
Avoz droet dins ’ne sacwè, reclamez l’ på tribunål :
— Des liårds po l’ avocåt ?? Nén bråmint ! — C’ est fotant,
« Fåt ndè prinde onk d’ après l’ sint Djhan !
L’ djudje grabouye des mårmots, et i soke tins ki påle !
Avoz tos vos droets, vos pierdez[1] !
L’ avocåt d’ ene plakete,
Vos fout ça a vo guete !
Pont d’ liårds ? N’ a rén a fé !! Dmorez : volez, trompez !
Des pepins plins vo saetch ?
Vos purdoz l’ cok des avocåts !
N’ euxhoz nén peu ! i vos arindjrè ça !.
Mins dvant : po comincî, do trô po k’ i vos saetche,
« Come Dérenne i dmandrè : Hé m’ colåd, avoz ’ne vatche ?
— « Vla ’ne boûsse di liårds !! — A dadaye i pålrè,
Brairè, creyrè, taprè, djurrè, et s’ desbatrè !
Djudje, grefî, et ouxhî, djindåre ! Tot l’ monde schoûtrè !
Frè tant d’ ses pîs, di s’ linwe, do trô k’ i vos saetchrè !!
L’ pus mwaijhe cåze, i l’ wangnrè !
Et on lome ça : L’ Djustice !
(Dj’ n’ î comprind rén ! K’ el diale m’ apice.)
Les deus Toreas eyet ene Gurnouye.
Fels a côps d’ coines deus crås toreas,
S’ fotént ’ne dobleure, rtaenént leu peas !
Po vir el ci k’ åreut, po s’ mwaistresse ene djinisse[2],
