Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/rif/36

« Les mwaisses di cåbarets n’ sront nén vos camaerådes !
— « Vos djesses, dit-st i Louwis, s’ ercrestant co pus rade,
« Vegnnut ptete d’ on bon cour, mins m’ fi n’ euxhoz nén peu,
« Les gotes fjhèt moens sor mi k’ so vo stoumak !
« Dj’ ernåde et dj’ èn tchai nén ! Vos stoz ptete bén ureus,
« D’ è rlocter djusk’ asteure, cwénze didins vo cazake
« Sins tchaire dzo l’ tåve so vo prûssyin !
« Mins ratindans ’ne miete ! vla ti nén k’ el gamén,
Do dbout do cåbaret apoite so ene assiete,
Do vraiy cognak mis e pierce tot novea,
L’ pus foirt k’ on-z a ptete yeu, al cåve dins on tonea !
Leyon tént bon ! mins Louwis pete !
On rimplit les tournêyes ! vla Louwis k’ a l’ licote !
On fwait vni troes gotes di skidame !
Pu cénk tournêyes di bonécame !
Leyon comincive ddja a rsaetchî ses coulotes !
Louwis fwait vudî l’ vere a fond !
Et fwait si bén ki rind môrsif,
L’ ci k’ lyi mostréve ene panse, ttossu lådje k’ on bondif,
Mins k’ aveut ses deus pîs, come deus rukes di såvlon,