Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/rif/35

Èn årtike di Wikisource.
Cisse pådje ci a stî coridjeye ey est l’ minme ki l’ sicanaedje.

« Aboutez l’ ruche droci, ey e deus pårtaedjez l’[1],
« Ddins tch’conk d’ no costé, fjhans rade on scalot d’ miele ?
— Les bourdons ont schité ! i sintént vni l’ agnon !
E schitant i mostrént : k’ i n’ estént k’ des agons.

MORÅLE :

Ç’ fåve ci no mosse ene dobe luçon :
C’ est ki pôreut vali, k’ on procès, k’ ene dispute,
S’ arindjreut a ç’ môde ci, ça sreut fini tot d’ shûte !
— « Et k’ c’ est å meur k’ on voet l’ maçon.



On duwel a boere å pus !

Leyon on djoû djheut a Louwis :
« Vos dvoz bén ndè voleur, a vo pa, a vo mame !
« Ene pinte di bire por vos, c’ est d’ cwè bén vos rimpli ;
Et l’ moinde pitite gote di skidame,
K’ on gårçon vénreut vos siervi,
Vos freut rinde a scheter vo vinte !
« Et ça tins k’ èm vexheye, co pus lådje k’ on tonea,
« Non continne d’ ès rimpli, di chnike, ou d’ ratafia,
« Pout stronner co pus d’ céncwante pintes ! —
« Tot grawe dins vo goyî ! tot m’ shonne come do laecea !
« Si vo vnoz avou mi, boere tinzintins ’ne potêye,
« Ki dj’ vos avale d’ ene seule houfêye !
« Dj’ vos freut bén boere come el rossea !
« Dj’ vos aprindreut e fjhant m’ tournêye :
« Mins vos dalez, å pus sovint,
« Tot seu, boere on dmey vere, dins l’ fond d’ on sale bouzin ;

  1. pårtaedjez l’ purade ki pårtaedjîz l’ po wårder l’ rimaedje