On vraiy want d’ Anséreuse ! ene tiesse come on vî djno !
« Assez, dit-st i, et djokez vos,
« Dj’ n’ a pupont des tchveas, mins dj’ m’ è fout,
« Dj’ evoye el mariaedje ås cint diales !
« Vos m’ årîz arindjî tchaekene a vo façon,
« Vos m’ purdoz mes soyes pol luçon,
« Mins d’ fé l’ amour, ki n’ nd ouxhe pus onk ki m’ påle.
C’ est co åjhey di esse marié[1],
Mins avou kî, c’ est ene sacwè !
C’ n’ est k’ on dmey må cwand l’ feme est bone,
Mins si l’ toûne di esse mwaijhe, c’ est on diale dins l’ måjhone !
I våt ostant dmorer tot seu !
Dvant d’ tchoezi gn a d’ cwè awè peu !
Ene boune, c’ est l’ paradis, eyet ’ne mwaijhe, c’ est l’ infier,
K’ nos fijhans bén assez so tere.
El Cok eyet l’ Piele
On cok e rtournant l’ fumî
Voet ’ne piele ! et dins do papî,
Court rade pol vinde a l’ ôrfeve,
— « Dj’ croes k’ ele våt des liårds, dit-st i,
« Mins dj’ inmreu mieus, sins minti,
« On poes dins m’ djaive, ou bén ’ne feve.
On båyåd dins ses papîs,
Trouve on live k’ esteut bén scrît,
- ↑ marié purade ki maryî po wårder l’ rimaedje
