Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/rif/27

Po vni sins ceremoneye,
Mougnî on plat d’ ritchitchî.

So ’ne rexhe coviete a brokete,
On boute leu platnêye d' asto,
Pinsez ashids a purete,
Çk’ il ont stronné les deus stos !

L’ dinner n’ esteut nén si biesse,
C’ esteut a rletchî ses doets !
Mins ’ne sakî vént brouyî l fiesse,
Tins k’ onk mougne, eyet k’ l’ ôte boet !

Asto d’ l’ ouxh del tchambe, pa ’ne craeye,
Vla k’ il etindnut do brut,
L’ rat d’ måjhone pete rade a gaeye,
Eyet s’ camaeråde el shût.

Pupont d’ brut, i n’ ont pus l’ vesse,
Tot d’ shûte presse a s’ radayî
L’ rat d’ aiwî dit : « Mougnans l’ resse,
« Do bouli sins esse brouyî. »

L’ rat d’ paxhi respond : « Bonswer !
« Vouss vini dmwin m’ vir dins m’ trô ?
« Gn a nén tant d’ mindjî ni d’ boere,
« Gn a nén d’ coviete pa ttavå,

« Mins, vî sto, rén n’ mi disrindje,
« Dj’ mougne trankile, sins awè peu,
« Merci do plaijhi cwand t’ mindje,
« Avou l’ vesse come on galeu, »