« Po daler crouwåder l’ tchene di nos invirons.
L’ mwaijhe grinne crexhe todi rade !
— « Ele leu dit co : ça n’ va nén bén !
Mins puski vos pinsez, k’ dji vos fout ’ne couyonåde,
« Co on consey, et pol dierin :
« Cwand vo viroz pa l’ tchene, l’ tere vete djusk’ al copete,
« Et k’ les tindeus prindront : tatche, mazindje, carcayete,
« Pa leu tindreyes, muroes, baguetes di glou,
« Dmorez a vo måjhone, èn mouvtez nén du tout[1].
« Ou bén candjîz d’ payis come el growe et l’ begasse,
Et si vos stoz trop lasses,
Ni crik ni crak, po esse pus seur,
Stitchîz vos rade dins l’ trô d’ on meur,
« Å leu d’ schoûter l’ aronde, ki s’ è fjheut do må, del poenne,
I fjhént « tchiripe » tertos eshonne !
I s’ nd ont mougnî leus ongues, et s’ end ont bén rpinti !
Il ont sintou trop tård k’ ele n’ aveut nén minti :
Bråmint d’ yeusses, ont tcheu dins ls atrapes !
On ls essere dins ’ne gayole, dins l’ cawet on les tape.
Nos stans come les moxhons ; nos stans tertos tiestous,
Nos n’ vlans schoûter nolu, et fé tot a no tiesse,
Nos n’ veyans k’ nos d’ maléns ! On consieu, c’ est ene biesse,
Gn a k’ cwand nos estans pris, k’ nos djhans k’ nos nel frans pus.
El RAT d’ måjhone eyet l’ Rat d’ paxhi
On Rat d’ måjhone eyet d’ aiwî,
Aveut stî cwê[2] l’ Rat d’ paxhi,
