Wai Djôzef, dins ç’ fåve ci, ki ç’ n’ est k’ ene couyonåde,
Gn a ’ne sacwè k’ est bén vraiye, et ritnoz l’ todi bén :
« On voet bén on fistou, dins l’ ouy di s’ camaeråde,
« K’ on n’ voet nén on sômî dins l’ sén.
L’ Aronde eyet les djonnes di Moxhons
Ene viye aronde, k’ aveut bén voyaedjî,
K’ aveut stî dins pus d’ on payis,
Waitive des djonnes moxhons, å tins k’ on seme el tchene
Et po leu pea, ’le djemit, ’le triyane !
Ele leu dit : mes efants, vo stoz co tot pelots,
« Veyoz bén m’n ome låvå, håssî s’ bresse a purete,
« Et bén, çk’ i tape, c’ est po vo piete !
« Paski mi dj’ sårè bén fote el camp dins les bos !
« I metront des trapes a pierots,
« Si vos stoz pris, gåre al casrole !
« Ou bén vos diroz dins l’ gayole !
« Ossu schoûtez m’ gn a k’ on moyén :
« C’ est di spepyî tot l’ grin.
— I mindjént tot costé, i s’ fotént bén d’ l’ aronde !
— « Betchî tot l’ grin ! waitîz ké conte !
— Cwand l’ tchene a yeu crexhi[1],
« Ele leu dit : fåt saetchî,
« Tote èç-n yebe la, ou bén, vos estoz emantchîs !
— « Taijhe tu, djhént-t i, ti nos è fout d’ l’ ovraedje !
« Fwai l’ blouke, clô t’ betch, avou tos tes ramadjes :
« I fåreut co pus d’ meye moxhons,
- ↑ Pårticipe erirece wårdé avou -i, pol rimaedje avou saetchî
