N’ a rén d’ si bea k’ esse ritche, d’ awè on bea amplwè,
Mins si ça toûne må ! gåre al bombe !
Tcheyoz, vos stoz moens k’ rén ! et dvant vos stîz ’ne sacwè,
L’ solea vént lure a costé d’ l’ ombe !
C’ est kel ci ki tchai d’ hôt,
Pou todi s’ fé bråmint pus d’ må.
El Leu eyet l' Tchén
On leu n’ aveut k’ les oxheas eyet l’ pea,
Foice k’ el gueuye des tchéns esteut bone[1].
No leu resconte on dogue, ttossu crås k’ on djonne vea
K’ esteut pierdou par la et k’ cachive ès måjhone !
Li fote ene trimpe eyet l’ mindjî,
C’ est insi ki vleut l’ arindjî,
Mins i faleut toursi ’ne miete,
Eyet l’ mastin vos lyi åreut ptete,
Fotou ’ne rôlêye di permission !
Vla l’ leu k’ edåme conversåcion.
Lyi fwai bén complumint so s’ graisse,
— Ô ! aschoûte bén : si ti vleus, saiss,
« T’ pôreus bén esse ttossu crås k’ mi, respond-t i l’ tchén,
« Leye la tes bos ! ça n’ ti våt rén,
« Drola vos stoz tertos minåbes,
« Vos stoz setchs come des mizeråbes,
« Et po vos soladjî, i vos fåt crever d’ fwin !
- ↑ bone purade ki boune po wårder l' rimaedje
