Po lyi tchanter ’ne tchanson,
Vout drovi s’ betch et lait tchaire ès bourlote !
L’ Ernåd l’ rascode eyet lyi dit :
« Schoûtez bén ç’ luçon ci, wai m’ fi :
« I gn a todi moyén d’ rascode ene boune boutcheye,
« E-n egueuzant on sot ki vout schoûter ’ne vantreye :
« Fåt esse di bon conte, mins mi dj’ croes,
« K’ ça våt bén on crås stofé !
L’ pôve coirbå scoubaré, e lu-minme ès dijheut :
— Cwand on m' tirrè co ’ne pareye guete,
Les poyes diront so des crossetes.
MORÅLE :
Si vos schoûtez todi les djins,
Troes cwårts do tins on vos fout ddins.
EL GURNOUYE EYET L’ BOÛ.
Ene gurnouye voet on djoû on bea boû dins on pré,
Ki lyi shonnéve co d’ ene bele taye,
Leye, ki n’ esteut nén co, come on spwet-coroné,
Djalote, s’ estind, s’ infele, et dvént ronde come ene djaeye,
Po rwangnî l' boû pa s' groxheur !
E djhant : waitîz ma sœur,
N’ est ç’ nén assez pinsez ? djhoz on pô a vo-n ouy ?
— Va non ! — Mi vci dabôrd — Vo stoz co lon ! — Mi vla ?
— Ba ! vos n’ î estoz nén co ! Al fén l’ tiestowe gurnouye,
S’ a télmint bén inflé, k’ elle a fwait sketer s’ pea,
