— On za cheû tertous d’su ! né dangi d’dire ell’resse !
Il ont wordét leü queuwes, l’aute a joqui ses gesses,
I pette a gaye tout proû, in rastrindant sés fesses.
Brammin d’geins aujourd’hu sont bin cheû comme lé Rnau,
Si feye nu in bia joû, n’biestrie ou n’saquoé d’mau,
Enne flotche, ou enne affaire véreuse,
Pou s’blanchi i cache nu, qu’on feye tertous comme ieuses ;
Quéque foés les geins né biesses, lé r’tourne nu, mousse nu s’trau,
I s’joque nu rade tout proû ! î s’évont tout pénaus.
MADAME NARRET EIÉT SES DEUX MESQUENNES.
Madame Narrét avét deux mesquennes dain l’vi tins,
Magritte eiét Vîctoére,
Elle les fiét travayi à r’laye à filé s’lin,
Du matin jusqu’au soère.
Quand s’coq chantét, avèt l’piquette du joû,
Elle sautlèt rade dain s’cotte, r’l’ugeante dé n’crache toute noère.
Pou couri à leu lit comme enne sorcière !
Les rinvéyi du coup.
Magritte restindét s’bras, Victoère douvret in ouye,
Toute desbauchie dé s’vire su leû pids si matin,
Elles mastînint l’coquia, în l’maltraitant d’arsouye ;
Qu’in jou ou l’aute, i passrét l’gout du poin !
In joû qué l’feume Narrét, estét d’allée à messe,
Elles vont quai l’coq, eîét l’li coupe nu l’tiesse !
Ça sti co pire aprét ! l’vie gale au pu p’tit bru,
