crosse, is sont turtos âx pus lawants, volà poqwè ; nolle mohonne d’ovrî n’a, ni drî ni d’vant, on boquet cot’hai dè l’ lârgeur d’on vantrin, c’est déjà bin bai qwand elles ont ine pitite haïeie ! Is n’ sont don è leu z’aisse qui po beure et magnî ou s’ mettre à leu bèdreie ; li restant dè timps, po les cix qui n’y ovret nin, si passe so les pavaies ; i fât bin qu’is happesse l’air wiss’ qu’is polet ; mais c’est là qu’is div’net mâ aklèvés, paç’ qui les faïés propôs ou les atotes, qu’on pout hardeiemint nommés côp d’ gueuïe, tot sôrtant foû d’ine mâle jaive, sont rèpètés à l’ vole di co traze autes. Ossi gâre à l’ pai dè ci qu’a l’ mâlheur di les r’louquî è cwèce ou qu’a l’air d’enn’è rire ; on v’ les rèballe so on clègne d’oûïe. Is n’ si spâgnet nin même les couïonâdes inte di z’elles, houtans-les n’ gotte :
“Mâblette, qu’a st’on visège comme on navai pèlé deux feies et qui pwète des berriques avou des bwérds di cwène què l’ fet ravizer l’ dâte dè l’ mwért, dit à Lîve-li-coûde, ine cante des grands baches qu'a fait cangî s’ narenne à roge âmône tot fant passer des Jâcques d’amér dizos :
“Kimint wèze-tu batte carasse surtout è timps d’ cwarème avou n’ sifaite grèvesse so t’ visège„ ?
Lîve-li-coûde lî respond avou n’ flème à rinde des points â pus sins-gosse des Anglais : “Ji n’a pawou qu’ d’ine saqwè, c’est di t’ trover so mes vôïes, valet, ti qu’a l’air dè fer maike tote l’annaie, et ji n’ sèrès t’a mi’ âhe qui qwand t’ârès sûvou l’ conseie qui ji
