On vî Rûsse ki s’ lome Corona

Ciste ouve ci egzistêye eto divins ds ôtès ortografeyes : Feller — Ôte redjårbaedje e rfondou.

Willy Marchal

On vî Rûsse ki s’ lome Corona

rortografiaedje da Lucyin Mahin

2020

On vî Rûsse ki s’ lome Corona

I.

E l' Chine, il ont ene frontire, « li muraye »,
Mins l' Corona a volou fé s' margaye;
Il a pris l' busse, les avions, l' TGV,
Rén k' po nos fé bisker.

Resploe

Dmorans dins nosse gayole, gayole, gayole;
Cwand l' Corona n' serè pus k' on sbara,
Al soce, nos fiestixhrans çoula.^[1]

II.

La ou i passe, i fåt bén tot rnetyî;
Laver ses mwins, rshofler s' nez dins l' papî.
Pus kession di dner on betch ås soçons;
Les fåt rwaitî did lon.

III.

Pa l' fåte d' on mannet virûsse må rletchî,
I n' est vraiymint pus kession d' voyaedjî.
Si pormoenner, c' est tot djusse si on pout.
Ça s' arestêyrè on djoû.^[2]

IV.

Come on a l' tins, on boute dins nosse corti,
On lét les tecses ki Daniel nos tchoezit^[3]
On telefone ås parints, ås soçons;
On a l' televuzion.

Note Wikisourd

Sicrît a Moirmont-dlé-Masbork, li 3 d' avri 2020.

1. Gn a cial on pî d' rawete, di cåze do codjowaedje di « fiesti » e rfondou.
2. Gn a cial on pî d' rawete, di cåze do codjowaedje di « arester » e rfondou.
3. I s' adjixh di Daniel Collignon, del soce Julos B., li copinreye di Rotchfoirt.