I.
E l' Chine, il ont come frontire li muraye
Mins l' cron virûsse po nos vni fé margaye
A prindou l' busse, les planes, l' tréngranvé,
Rén k' po nos fé aler.
Resploe
Nos dmorrans e l' gayole, gayole, gayole
Cwand l' Corona n' serè pus k' on sbara,
Nos fiestixhrans çoula.
II.
La wice k' i passe, i nos fåt tot rnetyî;
Laver ses mwins, shofler s' nez dins l' papî.
Pus kession di dner on betch ås soçons;
Les fåt loukî did lon.
Resploe 2
Reclôs dins nosse gayole, gayole, gayole
Cwand l' gripe chinwesse ni srè pus k' on spawta,
Nos fiestixhrans çoula.
III.
Pa l' fåte d' on mannet virûsse måstitchî,
I n' est vormint pus kession d' voyaedjî.
Si rashonner, il è fåt poirter s' doû.
È serans dj' cwite on djoû?
Resploe 3
Resserés e l' gayole, gayole, gayole
Cwand l' cron virûsse ni srè pus k' ewaera,
Nos fiestixhrans çoula.
IV.
Come on a l' tins, on boute divins s' corti,
On lét çou ki, sol Daegntoele, on pårtit
On telefone ås parints, ås soçons;
On a l' televuzion.
Resploe 4
Retrôclés dins s' gayole, gayole, gayole
Cwand l' cronivi serè moirt do mora,
Nos fiestixhrans çoula.
Sicrît et eredjistré li 20 d' avri.