C’ est ene blanke dame k’ aparexhe a Mareye et Fernand, li céncwantinne, et lzî dire : « Po-z aveur sitou ene si boune cope dispoy vint-cénk ans, vos poloz fé tchaesconk on sohait. »
Mareye, li prumîre : « Dji vôreu fé l’ toû do monde, avou m’ binamé ome, dit-st ele. »
Li blanke dame fé aler s’ baguete, et abracadabra ! N a des biyets d’ avion aspitèt come on côp d’ aloumire.
Fernand : « C’ est foirt romantike, mins ene ocåzion pareye, ça n’ arive k’ on côp. Dezolé m’ monkeur, mins dji vôreu bén aveur ene feme di trinte ans pus djonne ki mi. Dj’ inmreu co bén fé d’ tinzintins des couperous » dit-st i Fernand.
Mareye est tote peneuse, mins on sohait, c’ est on sohait. On n’ pout k’ leyî fé. Pår ki, divant l’ blanke dame, on n’ pout dire çou k’ on vout.
Adon, vola l’ blanke dame ki fwait on rond avou s’ baguete. Abracadabra ! So l’ côp, zip ! vola nosse Fernand k’ a 90 ans.
Tuzans bén ki les omes sont des côps des måssîs pourceas, mins les blankès dames, zeles, c’ est tofer des cmeres !