Lingadje

Èn årtike di Wikisource.

Lingadje

Dj’a spotchî dès mots d’ francès
Quand dji m’ purdeûve po li rwè.
I-gn-a qui m’ont dit : « Ti causes patwès ! »
Dj’a minme tchanté èn anglès,
Djaurgoner è polonès.
I-gn-a qui m’ont dit : « Ti causes por twè ? »
Dj’a pièrdu m’ grèc èt m’ latén,
Mins m’ walon, djè l’a aurdé…

Quand dj’m’ènn’irè, tot lèdjêr’,
Po m’ rastoker dissus l’ têre,
Vos mètroz deûs mots d’ « patwès »
Su l’ blanke pîre qui m’ rascoudrè.