Viv’ noss’ princ’ Constantin Césâr !
Viv’ nos taburîs, nos sôdârs !
Et, qwand i n’ vis chôq’ nin es trô,
Qu’i n’jeur wêre, et qu’i n’fîrt qu’on pau,
Viv’ noss’ brav’ coronél Butback !
On a d’lez lu bonne viquâreie.
J’a m’tabeur, mes clics et mes clacs
Et m’chapai sos l’oreille.
Amon m’pér Jihan d’Halbosart,
Qu’est serwî es l’row’ Matrognard,
I m’fallév’, po qu’i fouhe ettai[2],
Rimouwér nute et jou l’mârtai ;
A mond’ côp bouhî d’triviè, clac !
J’aveus l’gêv’ tot’ disawurêie.
J’a m’tabeur, etc.
Es ci timps là j’ n’aveus qu’des crosses,
Ouye ji sos r’pahou pus à m’gosse,
Ji magn’ dè pan d’bottî latton
Avou del salâde âx cretons ;
Po mes bouh’ j’a pèquet, toubac
Et bonne bire à tot’ mes heureyes.
J’a m’tabeur, etc.
Avou m’floche et mes galons d’laine,
Ji sos fir comme on capitaine ;
Ji n’sos pus on honteux jônnai,
Ji rott’ tot k’hoyant mes vannais
Et ji sos si gâye es m’bleuv’ jaque
Qui j’sos r’loukî d’tot’ les feumreyes.
J’a m’tabeur, etc.
A c’ste heur’ qui j’sés r’mouwer l’baguette,
On n’mi scol’ pus comme in’ haguette :
Mi siervic’ fait, l’après l’diner,
Li pus sovint, j’vas porminer,
D’zos les bois d’fawe et d’havurnac,
Tot seu avou l’crolêye Mareie.
J’a m’tabeur, etc.
Quéll’ bell’ vei’ qui l’ciss’ des sôdârs,
On wagn’ tos les jous deux patârs ;
Li mestî n’est nin mâlâhî
Et, qwand di n’rin fer j’sos nâhî,
Ji m’mette à fer des armanacs
So noste av’nir avou Mareie.
J’a m’tabeur, etc.
Si mâie on jou nos avans l’guérre
Ji compt’ bin fer dè brut so l’tère :
Tot comme on diale et des deux mains
Ji bouh’rè so mi instrumint,
Ca ji m’sins vormint li stoumac
Tot pleint d’on corèg’ sins pareil.
J’a m’tabeur, etc.