Li siyète èt l’ frumihe

Èn årtike di Wikisource.
Ciste ouve ci egzistêye eto divins ds ôtès ortografeyes : Ortografeye do scrijheu —  Rifondou walon.
Li siyète èt l’ frumihe
rortografiaedje da Lucien Mahin, e Feller-Francard

Li siyète èt l’ frumihe

Li siyète, d’ avu tchanté
Tot l’ osté
Si trova so ’ne fwèrt mâle cohe
Cwand volît lès blankès mohes,
N’ âyant fêt nou p’tit spâgne-mâ :
Rin so l’ tâve, rin è l’ ârmâ.
Èlle ala brêre al famène
Dilé l’ frumihe, si vwèzène,
Èl priyant di lî pruster
Ine bètchèye, po vicoter.
« Tant ki l’ nivaye seûye èvôye,
Avou profit, voye non voye,
Fwè d’ mi, dit-st-èle, po l’ Sint-Dj’han
V’ rârez vos mitches è-n-on pan. »
Li frumihe n’ in.me nin l’ èpronte :
C’ èst la l’ mwinde di sès dèfôts.
« Ki fîz v’ don, cwand i féve tchôd ? »
Dit-st-èle a cisse grande sins honte.
« Nut’ èt djoû, avâ lès tchamps,
Dji tchantéve, po v’ dire li vrèye
Vos tchantîz ! Dansez, mamèye.
On n’ êde nén les djins trouwands. »