Li ptit corti ås spots walons

Èn årtike di Wikisource.
Ciste ouve ci egzistêye eto divins ds ôtès ortografeyes : Mwaisse ortografeyeFeller.
Li ptit corti ås spots walons
rortografiaedje da Lucyin Mahin
Li ptit corti ås spots walons

On vout todi fé des merveyes,
Ca dvins l' campagne et dvins les veyes
Gn a co bråmint pus d' fôs k' on n' croet
Dj' el so bén, mi k' vén la, todroet
Adjinçner tos nos spots a rimes
Po fé rire les omes et les femes.

Si mes vers sintèt l' tchicotin,
Mes amisses, ni m' rixhinez nén,
Tot come on tchén dvins on djeu d' beyes;
Dj' els adjinsnêye å pus abeye.