Les esperts
Les esperts ni sont nole waeranteye di tos les vraiys. Vochal èn egzimpe.
On prumî espert apice ene rinne [grenouille] et i lyi côpe ene pate ; pu, i lyi dit : « potche asteure ! ». Et l’ rinne potche. Li deujhinme espert aspice li rinne et i lyi côpe ene deujhinme pate ; pu, i lyi dit parey. Et l’ rinne potche. Li troejhinme sifwaitmint.
Arive li cwatrinme ki prind l’ rinne et ki lyi côpe li dierinne pate, tot djhant : « potche asteure ! » mins l’ rinne ni potche nén.
Les esperts sont-st emayîs. Mins li professeur d’ univiersité elzî fwait l’ luçon :
— Cwand vos côpez les cwate pates a ene rinne, ele divént come les djonnes di tchén, ele ni schoûte pus.
André Mottet, li 20 di may 2020