L’Chat eiét l’vi Rat

Èn årtike di Wikisource.
[ 64 ]

L’CHAT EIÉT L’VI RAT.

(Le Chat et le vieux Rat.)

J’ai intindu dire qu’a l’Ville-Basse,
Dain l’tins, n’saquî avét in chat,
Né d’aprét l’sint Jean ; dé l’vrai rasse,
I v’lét destrure s’qu’au derrin Rat !
I roulét dain l’woiyin, dain l’trennelle, et l’fourrâche,
Avét li lés Soris n’fieint né brammin d’ramâches !
Lés quatte-chiffe, lés trappe à Soris,
Lés tartennes avét d’l’arsénique,
Pour li tout ça, c’estét bernique,
C’estét pa ses bia tours, qui l’zavét sain couri !
In bia joû lés Soris estint si bin strindues,
Qu’elles n’ousint pu moustré leu dints !
Elles savint bin d’avance, qu’elles s’rint sûre rascoudues,
Pa les grawes du chat, ét rad’moin !
Qui v’lét lés fai vudi, maî né moéyin !
Tout d’in coup, i fai l’môrt ! i s’pin pa sés deux pattes,
Et lé v’là l’tiesse in bas, stindu flaue comme enne flatte !
Lés soris in l’woétant coéye nu qu’on l’la pûni,
Qu’il a s’trannét l’pierrot, ou bin r’léchi l’maquée,
Qu’il a grawét n’saqui, ou p’tette enne jatte cassée,
Allô, qu’on l’la pindu, pou iesse rade quitte dé li !
Et l’convenne nu même intrét tins,
Qu’elles diront rire à s’n’intermint !
Woéte nu pa tout costét, venne nu moustré leû bet’che,
Pu s’ermuche nu rade dain leû trau !
Elles estint si foipes eiét set’ches,
Qué’l’contînt s’rimpli comme i faut !
Mai v’la ti né in aute tableau ;

[ 65 ]

L’pindu qui ravique bin ! in r’chéyant sus sés pattes,
I s’trânne lés soris quatte à quatte !
— « C’nèst co rin d’ça, disti, in leû croquant leû rins,
« J’dai copu diun d’vî tour dé guerre,
« Vo traus dain les planchis, vô trawées pa d’zous terre,
« N’vo chièfe nu pu à rin ! Vô r’passrét pa m’jârdin ! »
— I n’avét né minti, v’l’a l’finard ell’ledmoin,
Co pou in deuxième coup, qui lés prin ét l’zingeuse,
I s’coutrouye dain l’farenne, ét blanc comme dé l’céreuse,
I s’muche raboulottét, dain l’fond d’enne hûche au poin,
In l’liant l’couviette lévée,
Il estét cheû su l’vrai moéyin :
Lés Sôris qu’estint glouttes, estint rade erloctées !
In Rat pou d’allé sinte, n’ousét né s’mette sû pid,
C’estét in vi saudard ét i conn’chèt l’papî !
Et méme qu’il avét pierdu s’qeuwe,
In joû q’pou servingi dain n’seuwe,
I s’avét aclapét au néz d’a Paul Jaquot,
Qui l’liavèt coupét nette d’in coup d’chabot !
— « Nia là n’ruque dé farenne, qui m’a bin n’drolle d’allure !
« Qui comince à crii au Chât,
« Et j’vourét bin wagi, q’cest iune dé sés toûrnures,
« Pou co t’taleûre, r’tanné no pia !
« Jé t’sins v’ni, va, vi R’nau ! si t’estèt in vrai sat’che,
« Jé n’dirét né d’lé ti, peû q’tu n’mé foute enne cat’che. »

MORALE.

D’sét q’c’estét bin pârlé ! et qu’il estét dain s’doét,
C’est qui conn’chét trop bin l’dallache !
I pinsèt q’dé s’méfii il est toudi pu sâche,
Quand on vout iesse sûre dé n’saquoé.
« Q’c’n’est né à lés vîs sinches, autpeau comme à l’Ville-Basse,

[ 66 ]

« Qu’on z’apprind à fai des grimasses !
« L’vî chat étout conn’chét :
« Q’c’n’est né pa du vinaique qu’on za lés mouches dain l’pot,
« Q’c’n’est avét du strin qu’on prin les vis pierrots »