LÉ R’NAU EIÉT LÉS RÉSINS.
J’ai intindu conté qu’in R’nau,
Dain in jardin estét r’cheû pa in trau !
I r’woète pa tout costét, les poéres et lés biloques,
Ça n’li chennèt né bon, pou rescuré sés broques !
I li fallét n’saquoé d’méyeu !
I voét n’crappe dé résins, pindue, rout’che comme enne grinche !
— « Nô y iestons, disti, à l’vrai taye à caclinche !
Lé v’la bin anoyeu !
I n’p’lét né d’allé l’printe,
Et né moéyin dé l’fai desquinte !
— « I n’sont né meûres, disti, i sont co tout pélots !
« Léyions là ça pou lés mârmots. »
On voét ça tous lés joûs asteure :
N’s’aqui voét n’saquoé d’bia, ça vint li chaupii s’keûre !
— Honneüre, argînt, toélette ! ça li frét bin du bin !
I n’pou l’l’avoé, ça n’vau pu rin !
« Comme on s’couche, on r’fai s’lit, ch’qûn’un sint comme i vique !
— Mi j’aringe em’boutique,
Qué rin n’mé tinte ! bia ou ritche jé m’in fou,
Et jé n’passe né : pou in jé voût, jé n’pou.