Kés poyaedjes ?
C’ est ene dame ki va-st a l’ årtisse po s’ tchet. I lyi shonne ki l’ pôve biesse divint sourdåde. L’ årtisse louke li tchet et dit k’ il a trop di poyaedje divins les orayes.
— Vos lyi metroz do Råyåpoy ; c’ est on prodût po fé ndaler les poyaedjes.
Ele va cweri li rmede a l’ apotikaire ki lyi dit :
— Si c’ est po l’ dizo des bresses, loukîz di n’ nén mete do déyodorant so l’ minme tins.
— A ! mins ci n’ est nén po çoula, savoz, monsieu l’ apoticåre.
— Si c’ est po vos djambes, loukîz di n’ nén mete des pantis so l’ minme tins.
— A ! mins ci n’ est nén po mes djambes, c’ est po m’ tchet, dit-st ele.
— Po ç’ cas la, loukîz di n’ nén aler a velo so l’ minme tins.