Bukés waloneûs :
Tèrtos po chaper l’ walon,
Mins tchèconk dins s’ cwane !
Ti, macté Makèt :
Li tièsse èt l’ pène pol walon
Èt l’ linwe pol francès.
Binamé Wili :
Djamåy fèl ni grandiveûs
Come cacheû-scrîjeû
Vayant p’tit Lorint :
Si rade al copète dèl chåle ;
Pocwè leyî oûve ?
Mimile li djinti :
Li Bork vos r’dit co mèrci
Di wårder si accint.
Ti sovins’, l’abé ?
Po-z ataker on motî,
Fåt co èsse djonnê.
Chantal romantrèsse :
I t’ satcha foû di spècheûr
To lî rinda bin.
Po Pîre li Scarbote :
Todi cori, èt sins brut
Sins måy piède coradje
På do Sårt Tchaga :
T’as fwaît d’pus po nosse lingadje
Ki cint mèye rimas.
L’ pus ardant d’ Djodogne :
Tant èt tant d’ pådjes sol walon
Sins creûre a si avni.
Djihan l’ radiowisse :
To cåzes di nos èt on t’ choûte ;
To mèrites on lîve.
Djôr li p’tit priyèsse :
Ti, l’ pus djonne di nos scrîjeûs,
Scolé sol Dagnteûle.
Wåtî do Hôt-Bwès :
Hagne èt pite èt ratche al gueûye
Di nos vîs paltots.
Djozé l’ dèssineû :
Brogne èt grigne èt maltoner
Mins todi wèrker.
Pôve vîye laîde moman :
M’ènn’ as’ ramèchné, dès mots !
Li Bon Diu ti-y åme !
Modêye atåvlêye a ene bate del Kiminålté Walonreye-Brussele ; replaideye pus tård dins Singulîs