Dj’ a m’ tabeur

Ciste ouve ci egzistêye eto divins ds ôtès ortografeyes : Divant-Feller (7 coplets) —  Gothier 1889 (I) (10 coplets) —  Gothier 1889 (II) (12 coplets) —  Feller (6 coplets).

o.n.c.

Dj’ a m’ tabeur

rortografiaedje da Lucien Mahin, e rfondou walon

2021

Schoûtez Lucien Mahin emey tchapele
(prononçaedje zero-cnoxheu)

Sourdant

Dj’ a m’ tabeur

I.

Dj’ aveu-st ene si måle måråsse
Trop matén mi fjheut lever ;
Dj’ aveu-st ene si måle måråsse
Trop matén mi fjheut lever.
Ele m’ evoyive al praireye
Po les crås pourceas wårder.

Resploe

Dj’ a m’ tabeur, mes clikes et mes clakes,
Et s’ a dj’ mi vierlete a m’ costé.

II.

Ele m’ evoyive al praireye
Po les crås pourceas wårder ;
Ele m’ evoyive al praireye
Po les crås pourceas wårder,
Avou ene pitite coyene di lård
Ey ene crosse di pan tot tchamossî

III.

Avou ene pitite coyene di lård
Ey ene crosse di pan tot tchamossî ;
Avou ene pitite coyene di lård
Ey ene crosse di pan tot tchamossî.
Cwand dji vneu-st emey les prés,
La k’ dji m’ meteu-st a coirner.

IV.

Cwand dji vneu-st emey les prés,
La k’ dji m’ meteu-st a coirner.
Cwand dji vneu-st emey les prés,
La k’ dji m’ meteu-st a coirner.
Les pourceas cmincént-st a rire
Et totes les troyes a danser.

V.

Les pourceas cmincént-st a rire
Et totes les troyes a danser.
Les pourceas cmincént-st a rire
Et totes les troyes a danser…
Apus k’ ene tote pitite troye
Ki n’ poleut nén s’ cou moenner.

VI.

Apus k’ ene tote pitite troye
Ki n’ poleut nén s’ cou moenner.
Apus k’ ene tote pitite troye
Ki n’ poleut nén s’ cou moenner.
Les pourceas l’ prindît pal pate
Tot djhant : « so m’ vé, vos dansroz ! »