Dicsmude
(Vuzion d' avri 1916)
Tot moussant foû del waide, li pazea s' arestêye:
« On n' passe pus! » Les teres sont totès vetes.
Les sminces ont djômyî.
Nole traece di l' ôte såjhon… Siya, des moitès foyes
Å pî del håye d' årdispene tote floreye…
Ces fleurs la sont bén beles et leus frissès hinêyes
Fwait k' on rtuze bén lon…
Å mitan des bouteures ki l' solo shonne waitî
Ene noere croes halcote,
Et l' noer casse ki lyi sieve di corone
A co l' air do mancî…
Les sminces ont djômyî so l' fosse k' est abandnêye
L' esté monte tot doûçmint…
On djoû, les påtes d' ôr seront grandes,
Ele seront télmint grandes k' on n' voerè pus l' noere croes,
Les oujheas pasront la sins ki l' pawe les fwaiye taire;
Et tot serè rovyî…
Motoit…