C’ esteut l’ bijhe et l’ solea

Èn årtike di Wikisource.
C’ esteut l’ bijhe et l’ solea
ratournaedje d’ ene djin nén cnoxhowe
Schoutez Souzane Mahin, 8 ans

C’ esteut l’ bijhe et l’ solea

C’ esteut l’ bijhe et l’ solea k’ estént higne et hagne. Paski pocwè ? Paski tchaeke di zels forbateut k’ il esteut l’ pus foirt.

A on metou moumint, la k’ il avizèt on vî pôve ki s’ apoentéve tot doûçmint. L’ ome s’ aveut racamizolé dins on grand lådje caban d’ cur.

Adon, i tuzèt a sayî, tchaeke a s’ toû, di lyi fé saetchî s’ paltot ; et bouxhî l’ martchî djus ki l’ ci u l’ cene k’ adierceyreut s’ côp sereut relî come li pus foirt.

C’ est l’ bijhe ki cmince, ca on lait todi les cmeres fé les prumires. Et vo l’ la ki s’ mete a shofler et rashofler, et shofele mu co. Mins brosse di gade ! Pus çk’ ele shofléve, pus ki l’ vî rôlî rihaetchive si capote après lu, tantea ki : nosse damabonde a dvou leyî ouve.

C’ esteut l’ toû do solea. Il atake a lure, et rglati come cwand on creve di tchôd å cwénze d’ awousse. Ça fwait k’ nosse pormoenneu a stî reschandi ; si a-t i hiné s’ paltot djus.

Ebén dabôrd, aiwdirotchmint, c’ est l’ solea k’ a stî ricnoxhou li pus foirt di zels deus.

Ci tecse ci aveut stî scrît aprume pol mape del Beldjike del waibe do Djåzant atlasse éndjolike des lingaedjes di France et d’ pattavå. Mins, come i n’ esteut nén raloyî a on pont diyalectolodjike, i fourit aprume eplaidî sol Wikipedia walon pa Luyin Mahin k’ end a tos les abondroets.

E 2020, i fourit replaidî sol Djåzant Atlasse, å pont « Transene » dizo èn onglet « Rifondou walon ».