Ç' astot trwâs djoûs dvant l' acinsion, si dju l' tins bin. On toûrnot l' viyaedje après messe å matén, tchaeke côp èviè on culot.
Tot fjhant l' porcession, on tchantot les litanéyes des sints. Ça alot come ça :
Lu Curé : Sancte Barnabe
Les djins : Ora pro nobis.
Lu Curé : Sancta Loucia… Sancte Pawola, evnd (etc)
Les djins : Ora pro nobis, à tchaeke côp.
Cand gn' avot mwintes sints mètus assan.ne, on rèspondeuve : Orate pro nobis.
On mon.not l' laecea al lêtriye, po lu scramer, pu on-z a lot a messe et ås rogåcions, pus on-z a lot rkêre les djusses du scramé laecea pou dner s veas.
Nosse pére n' årot nén manké pou bin yåk les rogåcions.
On-z invokot les sints pou-z aveur des belès dènrêyes. Come a Påke, on-z aleuve ripåcter les dénrêyes.
On préndeut ene postère d' in sint, dju n' sais pus l' ké et gn aveut cwatre omes k' èl pwârtént so leus spales, et on l' pormoeneuve avå les tchamps, la.
Ene anéye, gn avot yeut des mwaijes dénrêyes. Ç' astot ène anêye k' il avot dja djalé tård. Mins, c' est ddja vî, hin, ça. C' est nosse pére ki raconteuve ki s' pére lî raconteuve.
Les djon.nes ki pwartént l' sint dijhèt inla å sint :
N' èss nin måhonteu di nos aveur fé aveur des dénrêyes inla. Téns, vass ti catchî. Et d' å lon, I fotèt l' postère do sint hoûte dèl håye.
Dji n' sai pus ké sint k' ç' èsteut, la, mi. Mins, c' est ddja vî, saiss, ça.