A propôs
Come les båsheles di nosse payis
Madame, vos dvizez l’ bea walon
Et d’ l’ etinde nos dmorans sbayîs
Ostant k’ les djins di vosse sålon.
Pus d’ onk sondje a l’ vwès do pénson
Ki ramadje so les boirds des ris
A Floreye Påke, dins les bouxhons,
Come les båsheles di nosse payis
Mins mi, dj’ di oyant l’ doûce tchanson
So vos lepes, c’ est l’ solea ki rit.
Nosse solea ki fwait tot rflori
Madame, cwand vos dvizez walon
Come les båsheles di nosse payis.