Come les bauchèles di noss paii
Madame, vos d’vizez l’bia walon
Et d’l’ètinde nos d’mèrans s’baïis
Ostant k’les djins di voss salon.
Pus d’onk sondje à l’voès do pinson
Ki ramadje su les boirds des ris
À Flories-Paukes, dins les bouchons,
Come les bauchèles di noss paii
Mais mi, dj’dis oïant l’douce tchanson
Su vos lèpes, c’est l’ solia ki rit.
Noss solia ki fait tot r’flori
Madame, kand vos d’vizez walon
Come les bauchèles di noss paii.
Li scrijheu kimince a-z asmiler li sistinme Feller (bauchèle < bauchelle ; lèpe < leppe), mins shonne dimorer fidele å vî sistinme po sacwants ponts : paii > payis ; noss > nosse.
Rimarcåvmint, i prind li lete « k » pol son K (li sohait da Feller) adon ki li scole namurwesse, disk’ å 21inme sieke, a wårdé les « qu » a môde francesse.