1. Në v' trècassséz ni, crwèyoz dins l 'Bon Dië èt crwèyoz m’ èto.
2. Ë-n-a branmint dès places dins l’ maujone dë m’ Pa. Djë n’ vos l’aroz ni dêt, së ç’ n’sèrot ni come ça. Djë m’ vos-î va arindjî on place.
3. Quand, djë sèrè râlé lauvau, èt aprèster vosse place, djë r’vairè èt v’ prinde avou më, pace quë, vélà èwou quë dj’ sèrè, vos-î sèroz èto, djë vos l’ promè.
4. Vos savoz èwou quë dj’ va, èt vos conèchoz l’ vôye !
5. Thomas li dët: "Sègneûr, nos n' savons ni où ç' quë t' vas; comint vous-s' quë nos n'è conëchrîne lë vôye?"
6. Jésus li dët: "Djë sos l' Vôye èt l' Vèrëté èt l' Vîye. Nëk në vént àl' Pére, ègsèpté par' më.
7. Së vos m’ conèchoz come ë faut, Vos conèchoz m’ Pa èto. Tot m’ vèyant, vos l’ conèchoz, c’èst come së vos l’âriz todê conë.
8. Fëlëpe lî d’mande : « Sègneûr mostrez nos comint qu’ vosse pas èst, c’èst tot ç’ qu’ë nos faut ! »
9. Jésus li done à conèche : « Fëlëpe, ë-n-a së lontimps quë dj’ so avou vos, èt të n’ më vous ni co crwêre ! Lë cë quë m’ choûte èt m’crwêre ; ë conèt m’ Pa. Comint è-st-ë possëbe quë të m’ demandes co ça ?
10. Djë so dins m’ père, èt m’ père è-st-en d’dins d’ më, djë tè l’ rèpète. Lès prétches quë dj’ vos à faît, ça n’èst ni më qu’ lès-invente : më père qu’è-st-en d’dins d’ më, c’èst lë quê faît l’ovradje.
11. Crwèyoz m': djë sos dins l' Pére èt l' Pére èst dins më: po l' mwins', cwèyoz-l' à cause dès ovradjes zèls min.mes.
12. Vraiy' dë vraiy' djë vos l' dës, lë cë qui crwèt dins më frè lë ossë lès ovradjes quë dj' fais èt il è frè dès co pës grands, paçquë djë m'è va addé m' Pére.
13. Et qwè qu' ça seûy' quë vos d'mandroz dins m'nom, djè l' frè, po quë l' Pére seûy glorifiyî dins l' Fë.
14. N'émpôrte qwè quë vos dëmandroz dins m' nom, djè l' frè.
15. Së vos m'in.méz, vos sûroz mès comand'mints
16. èt më djë priyerè l' Père èt i v's dôrè on' aute Dèfenseûr, lë Paraclèt, po qu'i seûy todë avou vos:
17. l'Esprët d' vêrëté quë l' monde në pout r'çûre paçqu'i nè l' veût ni èt nè l' conèt ni. Mins vos autes, vos l' conëchoz paçqu'i d' meûre amon vos autes èt qu'il èst dins vos autes-min.mes.
18. Djë n’ vos lairè jamais tot seû come dès-ôrfèlins.
19 Ë-n-‘arè cor one miète dë timps èt vos n’ më vwèrè pës. Mins vos, vos vwèroz quë dj’ vëke, èt vos, vos vëkeroz èto.
20. Cë djoû là, vos compëdroz quë dj’ vëke èn d’ dins m’ Père, èt vos en d’dins d’ më, èt më en d’dins d’ vos.
21. Lë cë quë sûrè mès paroles èt qu’a dè rèspèt por zèles, c’èst c’t-ë-la quë m’ vwè voltî, èt s’ ë m’ vwèt voltî, ë vwèt voltî m’ Pa èt m’ Pa l’ vwèrè voltî djè l’ vwèrè todë voltî èt dj’ li frè soyë.
22. Judas, ni l’Iscariote, li d’mande, : « Maîsse, qwè yèsse quë faît que vos d’vioche nos causer à nos èt ni à tos l’ monde ? »
23. Jésus li rèspond « Së one saki m’ vwèt voltî, i sûrè mès paroles, èt m’ Pa l’ vwèrè voltî, èt nos lî arindjeront nosse maujone dins s’ keûr.
24. Lë cë quë n’ choûte ni mès paroles, ë n’ më vwèt ni voltî, lès paroles quë v’s-ètindoz n’ sont ni lès mënes, mins lès cënes dë m’ Pa quë m’a èvoyî ad’lé vos.
25. Djë v’s-a d’dja dët ça dè timps qu’ dj’a passé avou vos.
26. Mins l’ Paraclèt : lë cë qu’on prie quand ël èst trop taurd, le Sint-èsprët, më Père vos l’èvôyerè dë m’ paurt, èt lë ë vos scolerè èt ë vos Modele:Cot tot ç’ quë dj’ vos-a aprins.
27. Djë v’ laî tranquële, c’èst m’ paîs quë dj’ vos done ; djë n’ vos l’ done ni come lë monde èl faît, mins, ë n’ vos faut ni yèsse èwarés ou awè peû.
28 Vos-avoz bén ètindë cë qu’ djë v’s-a dë : « Djë m’èva, mins djë r’vairè ad’lé vos së vos m’ vèyî voltî. Vos, vos sèroz bënauje pace quë dj’ èrva ad’lé m’ Père, pace quë m’ Père èst bén pës grand qu’ më.
29. Djë vos l’ dë asteûre dëvant qu’ ça n’arêve, pace qu’au momint qu’ ça tchairè, vos seûyoche prèsse a î crwêre.
30. Djë n’a pës wêre dë timps po co causer avou vos, pace qu’ël arëve, : lë diâle, lë Prénce dë ç’ monde cë, mins à më ë më sarot rén fé.
31. Mins ë faut qu’ tot l’ monde sôye quë dj’ vwè voltî m’ Père, èt dj’a tot faî come ë m’ l’a comandé. Asteûre, rëlèvez v’ ! Nos-ènn’alans dë d’cë.