1. Après tot ça, Jésus cërkëleûve èl Galiléye paçqu'i n'voleûve pës voyadjî èl' Judéye paçquë lès Jwifs waitîne dè l' fé morë.
2. Jëstëmint, l' fièsse dès Jwifs louméye dès "Tabèrnaques" aleûve arëvér.
3. Sès fréres li ont dët: "Vas-è dë t'cë èt rote èl Judéye po qu' tès scolis veûynèche ossë lès ovradjes quë t' fâis.
4. Paçqu'on n' catche ni sès ovradjes quand on vout s' mostrer lë-min.me. Pësque të fais dès parèyès ovradjes, mostëre-të au monde."
5. Sès fréres në crwèyîne ni dins lë.
6. Adon Jésus l'zis dët: "Më timps n'èst ni co v'nët; mins l' vosse èst todë plaijant.
7. Lë monde në sareût vos veûy' mau èvë, mins më, i m' veût mau èvë, paçque djë tèmwagne conte lë qu' sès ovradjes sont mauvais.
8. Vos 'n'aléz à l' fièsse; mins më djë n' vas ni à ç' fièsse-là, paçquë m' timps n'èst ni co fait."
9. Quand il a st-oyë dë ça, i d'mëra lë-min.me è l' Galiléye.
10. Mins quand sès frérés ont sti èvôye à l' fièsse, adon il' i ala lë ossë sins s' mostrér mins è catchète.
11. Lès Jwifs d'abôrd waitîne après lë dè timps dèl' fièsse èt djîne: "Où èst st' ë?"
12. Et on brûteûve branmint d'sër lë dins lès djins. Dès cës djîne: 'C'èst'on brave ome". Mins d's-autes dëjïne: "Non, il amuse lë peûpe avou dès bèlès paroles."
13. Portant, pèrsôn.ne në causeûve franchmint dë d'lë, dë peû dès Jwifs.
14. On z'èsteût djà au mëtan dèl' fièsse quand Jésus monta à l' Temple èt s'mèta à z-ensègnér.
15. Lès Jwifs èwarés dëjîne: "Comint èst-ce qu'i sét lès Lètes sins oyë sû dès lèçons?"
16. Jésus l'zis rèsponda : "Më doctrëne n'èst ni d' më, mins d'à l' cë qui m'a st-avôyi.
17. Së one saquë vout fé S' volonté, i sarè së m'y-ensègnemint vént dè Bon Dië, ou bén së dj' cause dë më-min.me.
18. Lë cë quë cause dë d' lë min.me waite après s' prôpe glwère, mins l' cë quë waite après l' glwère d'à l' cë qui m'a st-avôyi, cët-là èst vèrëdëque èt i n'a pont d' faussëté dins lë min.me.
19. Est-ce quë Moyësse në v'z'a ni doné lë Lwè? Et nëk' dë vos-autes në sût lë Lwè. Poqwè waitiz à m' fé morë, vos-autes?"
20. Lë masse dès djins rèsponda: "T'ès possèdé d'au dèmon; qui èst-ce qui waite dë t'fé morë?"
21. Jésus l'zis rèsponda: "Dj'a fait m'y-ovradje èt vos 'n' èstoz tortos tot èsbarés.
22. Moyësse v'z'a doné l' cërconcësion, ni paçqu'èle vént d' Moyësse mins dès vîs tayons, èt vos l' fëjos l' djou d'è sabbat.
23. Insë d'abôrd on fait l' cërconcësion l' djoû dè sabbat po qu' lë Lwè da Moyësse seûy' bén rèspèctéye èt vos v' mauvléz conte më paçquë dj'a r'fait dë s' maladîye l' djoû dè sabbat on ome tot'intîr'?
24. Në jëjéz ni, sûvant ç' qu'i parèt, mins fëjoz on jësse jëjëmint."
25. Et saqwants abëtants d' Jérusalèm dëjîne: "N'èst-ce ni cët-là qu'is waitnèt d' fé morë?
26. Et vocë qu'i cause dëvant tortos èt is n' li dëjnèt rén. Vraiymint èst-ce quë lès chèfs arîne rëconë qu'il èst l' Christ?"
27. Mins cëtcë nos savons bén d'où èst-ce qu'i vént. Al place dë-t-çà, quand l' Christ vérè, nëk' në sarè d'où-çe qu'i provént".
28. Adon, Jésus qui doneûve dès lèçons dins l' Temple, djoupa: "Aye vos m' conëchoz èt vos savoz d'où-ç-quë dj' sos; èt portant djë n' sos ni v'në dë d'më-min.me, mins il èst vèrëdëque lë cë quë m'avôye èt qu' vos n' conëchoz ni.
29. Më djè l' conès paçque dj' provéns d'addé lë èt c'èst lë qui m'a st-avôyi."
30. Is waîtîne à l'arêter d'abôrd, mins pèrsôn.ne në mèta s' mwin d'sër lë paçquë së t-eûre n'èsteût ni co arëvèye.
31. Dins l' masse dès djins, branmint ont crwèyë dins lë. Quand l' Christ vénrè, dijîne t-ës, frè t-ë pës d 'mëraukes quë cët-cë n'èn' a fait?"
32. Lès farësyins ont intindë brûtî l' masse dès djins à propôs dë d'lë, èt lès grands prêtes avou lès farëzyins ont st-avôyi dès gardes po l'atrapér.
33. Jésus dët st-adon: "Djë sos co avou vos-autes por one miète dë timps, adon djë m'èn' irè aviè l' cë qui m'a st-avôyi.
34. Vos waitroz après më èt vos n' më trovroz ni, èt là où quë dj' sos, vos n' poloz v'në."
35. Lès Jwifs s'ont dët lès onk' aus autes: "Où ç' quë cët-cë deût èn'aler po qu' nos nè l' trovîne ni? Deût-ë -n'aler aviè lès cës qui sont d'dé lès Djintës (lès peûpes ètranjéres) èt l'zis doné dès lèçons?
36. Qwè ce quë c'èst ç' parole-là qu'i vént d' dîre: "Vos waitroz après më èt vos n' më trovroz ni, èt là où quë dj' sos, vos n' poloz v'në?"
37. Insë, lë dêré djou dèl' fièsse èt l' pës important, Jésus, drèssi, dët st-à waute vwè: "Së one saquë a swè, qu'i vègne addé më èt qu'i bwève.
38. Lë cë quë m' crwèt, ome a dët lë Scrijadje: dès rëchots d' vëkante êwe courront dins s' cwarps."
39. I djeûve ça d' l'Esprët, qu' lès cës qui crwèyîne dins lë, dëvîne rëçûre; paçqu'i n'aveût ni co d'Esprët adon, pësquë Jésus n'aveût ni co stî glorifîyî.
40. Dins l'masse dès djins, saqwants dès cës qu'avîne intindë cès paroles-là d'jîne: " Po d' bon, c'èst l' proféte".
41. Dès autes dëjîne: "C'èst l' Christ." Mins co dès autres dëjîne: "Lë Christ vêreût-ë dèl Galiléye?
42. Lë Scrijadje në dët st-ë ni quë l' Christ deût v'në dès èfants d'à David, èt d' Bethléem lë vëladje d'à David?"
43. Is n'èstîne d'abôrd ni d'acôrd dins l' masse dès djins à propôs dë d'lë.
44. Saqwants dë d'zèls lë volîne arètér, mins pèrson.ne n'a mètë l' mwin d'sër' lë.
45. Lès gardes adon ont 'n-alé dé lès grands prêtes et lès farëzyins èt cèt-cës l' zis ont dët: "Poqwè në nos l'avoz ni amëné?"
46. Les gardes rèspondîre :"Jamais nën' ome n'a causé come cët-ome--là."
47. Lès farëzyins l'zis rèspondîre: "Vos ossë, sèrîz amusés par lë ?
48. En'a-t-ë one saquë dë d'dins lès chèfs ou dë d'dins lès farëzyins qu'areût crwèyë dins lë?
49. Mins cë masse dë djins-là, qui n' conèche ni lë Lwè, sont dès maudëts."
50. Nëcodème, lë cë qu'a v'në l' trovér d'vant tot ça, èt qu'èsteût onk' dë d' zèls, è l'zis dët:
51. "Est-ce quë nosse Lwè condane on' ome dëvant d' l'oyë choûté èt d' soyë ç' qu'il a fait?"
52. Is li rèspondire: "Sèreûs' ossë twè dèl Galiléye? Informèye-të èt t' vièrè qu' në proféte në vént fou dèl Galiléye…"
53. Et is ont ralé chaque à s' maujone.