Rêwer: mète l’êwe; sêwer: rutirer l'êwe.
Poqwè rêwer?
- pou z-apwârtu d' l'êwe su lès tchamps qu’i n’ plût wêre dussu (surtout dins lés sètch payis).
- pou z-apwârtu d’ l’angrais, si l’êwe du rêwadje èst ritche (d’awèr dusmantché dul bone tére û d’ l'ansine).
Comint rêwer?
- Lu rêwadje a valêye: on va quêre l’êwe ou c’mècemint du bî èt on lî dène ène mwins’ rède valêye. On la put mon.ner insi pa dès côps lon du mwaisse bî, sôye-t-i avu dès bîs d’ rêwadje, sôye-t-i avu dès grosses bûses. Lès bûses, c'èst surtout pou lès tchôds payis, pou qu’ l’êwe nu s’ suvinte nin.
- Lu rêwadje pa stritchadje: on-amantche dès gros-atchènaus, pis dès tuyaus d’cawoutchou qui mon.nèt l'êwe a dès stritchètes qui toûrnèt èt s’arousèt in grand rond. On wèt co bin ça avaurci quand tu tumes su in sètch èsté èt qu’i faut rêwer l’ mayis’.
- Lu rêwadje pa sgoutadje: c’èst pou lès-aubes à frut du-d-dû ç' qu’i fwait sètch. C'èst dès bûzètes qui passèt tout du long dès pates dès-aubes èt qui sont trawêyes djondant tchêque aube. Insi, l' tuyau su sgoute dirèctumint dins tère, èt i gn-è quausu pont d’ piête d’êwe.