Wikisourd:Depot/Lucyin/Sovnance

Racsegnes sol tecse metou dvins l’ depot

Tite	Sovnance
Oteur	Henri Simon
Date do scrijhaedje (do ratournaedje, do rortografiaedje, evnd.)	12 d’ avri 2021
Date d’ eplaidaedje (so Wikisourd)	12 d’ avri 2021
Depôzitaire	Lucyin
Info	rortografiaedje da Lucyin Mahin, e Rfondou walon

Sovnance

E l’ veye måjhone do bon vî tins,
I dmaneut-st ene si bele djonne feye !
On n’ si poleut ripaxhe de l’ vey ;
C’ est l’ vraiy k’ adon, c’ esteut l’ prétins.

Ouy, c’ est l’ ivier : on s’ rissovént…
Ene sacwè vs sussene e l’ oreye :
«  E l’ veye måjhone do bon vî tins, ^[1]
I dmaneut-st ene si bele djonne feye ! »

On cligne ses ouy, on louke ådvins,
On rvoet l’ måjhone et si ouxhelreye,
Et, so l’ soû, l’ crapåde ki soreye,
Come on l’ a veyou si sovint
E l’ veye måjhone do bon vî tins…

Dins « Li pan dè Bon Diu » 2inme eplaidaedje, coleccion « Nos dialectes », Lidje, 1935 p. 45-46, riprins dins l’ grosse antolodjeye Piron, Mardaga, Lidje, 1979, p. 263.

1. Mwaisse modêye : ritche rimaedje « rissovint » / « tins ».