Des rôzes e prijhon
Ti, corti d' èm prijhon, et tes aireyes di fleurs,
Après ût djoûs reclôs, vo m' rici dins tes meurs.
Vos, rôzîs del gloriete, vo vs la tot noûs rmoussîs;
Riloukîz tos mes mås, waitîz di m' rapåjhî.
Dji n' voeyeu k' ouxhs di fier, bawetes, sordjoûs, ferous.
Asteure, po ene houbonde, dji so-st on raskignou
Ki s' cour potche e s' djavea, poy k' il est franc moxhon
Forsôlé des hinêyes des rôzes et des clawçons.
Gn a ls oujheas ki tchiptèt, cizrets et såverdeas;
Gn a on måvisse ki rlouke, adjoké sol toetea
Sacwants troclets d' ceréjhes ki vôrént ddja mawri.
Ti, laide niche efimreye, k' on n' direut-st ene botchreye,
Dji t' roveye, avou tes imådjes di bôreataedje
Emey les blankès rôzes, dji vou co rprinde coraedje.
Note Wikisourd:
- Li mwaisse modêye e francès est vaici
- Minme modêye, avou ratournaedje mot po mot e francès do tecse walon so l' Aberteke