Pu taurd
Mi p'tit Djan, vos l'vièroz pus taurd :
Sins yesse tot à fait malèreûse
Li vîye est co mwins côps grigneûse :
Des chagréns, tot l'monde è n-n' a s'paurt.
Maugré ça, i l' faut vôye voltîye
Et prinde ci qui l' sôrt vos a d'né.
A qwè bon s'plainte, brére et r'nicter ?
Quand on drane, c'est l'Bon Diè qu'on prîye.
Si in djoû vosse cœûr trop pèsant
N 'a personne à quî dîre ses pwinnes,
Ripurdoz l'vôye qui vos ramwinne
Au viladje dé vosse vîye moman.
Come do timps qu'vos alîz è scole,
Vosse chagrén, elle li bêrcéyerè.
Dé lèye, vèyôz, tant qu'èle vikerè,
Vos ètindroz l'mot qui console.